سورة الذاريات - آیت 28

فَأَوْجَسَ مِنْهُمْ خِيفَةً ۖ قَالُوا لَا تَخَفْ ۖ وَبَشَّرُوهُ بِغُلَامٍ عَلِيمٍ

ترجمہ تیسیر الرحمن لبیان القرآن - محمد لقمان سلفی صاحب

پس وہ ان سے اپنے دل میں خائف ہوگئے، مہمانوں نے کہا : آپ ڈرائیے نہیں، اور انہوں نے ابراہیم کو ایک ذی علم لڑکے کی خوشخبری دی

تفسیر ترجمان القرآن - مولانا ابوالکلام آزاد

(٤)۔ مجموعہ آیات سے معلوم ہوتا ہے کہ حضرت ابراہیم کو جس لڑکے کی بشارت دی گئی وہ حضرت اسحاق ہیں چنانچہ جب خوش خبری ملی تو حضرت سارہ چیختی ہوئی آگے بڑھیں اور بائبل میں ہے کہ اس وقت حضرت ابراہیم کی عمر سو سال اور حضرت سارہ کی عمر ٩٠ سال تھی۔