سورة محمد

الَّذِينَ كَفَرُوا وَصَدُّوا عَن سَبِيلِ اللَّهِ أَضَلَّ أَعْمَالَهُمْ

جن لوگوں نے کفر (١) کی راہ اختیار کی، اور لوگوں کو اللہ کی راہ سے روکا، اللہ نے ان کے اعمال برباد کر دئیے

تفسیر وتشریح۔ (١) اس سورۃ کا دوسرا نام سورۃ القتال بھی ہے یہ سورۃ ہجرت کے بعد جنگ بدر سے پہلے نازل ہوئی اس کاموضوع مسلمانوں کو جنگ کے لیے تیار کرنا اور اس کے متعلق ابتدائی ہدایات دینا ہے اس لیے اس سورۃ میں مسلمانوں کی ہمت بندھائی ہے اور کفار کو تباہی سے ڈرایا ہے اور منافقین کے اعمال کی بربادی کا اعلان کیا گیا ہے۔ جب سورۃ کے آخر میں مسلمانوں کو انفاق فی سبیل اللہ کی دعوت دی گئی ہے اور جس قدر ہوسکے مالی وسائل کو کام میں لانے کی ترغیب دی گئی ہے۔