سورة غافر - آیت 24

إِلَىٰ فِرْعَوْنَ وَهَامَانَ وَقَارُونَ فَقَالُوا سَاحِرٌ كَذَّابٌ

ترجمہ تیسیر الرحمن لبیان القرآن - محمد لقمان سلفی صاحب

فرعون اور ہامان اور قارون کے پاس، تو انہوں نے کہا، یہ تو جادو گر اور بڑا جھوٹا ہے

تفسیر ترجمان القرآن - مولانا ابوالکلام آزاد

(٤) قارون بنی اسرائیل میں سے سب سے زیادہ مالدار تھا جو موسیٰ (علیہ السلام) کے خلاف فرعونی سیاست سے وابستہ تھا اور ہامان فرعون کا درباری اور وزیر تھا اور یہ ہامان وہ نہیں ہے جوایران کے بادشاہ اخسو یرس کے دربار میں امیر تھا جیسا کہ بعض مستشرقین نے اعتراض کیا ہے۔