سورة الفاتحة

اهْدِنَا الصِّرَاطَ الْمُسْتَقِيمَ

ہمیں سیدھی راہ پر چلا

(ف5) اللہ نے راہ طلب کی وسعتوں کو غیر محدود بنایا ہے مسلمان عرفان وسلوک کے ہر منصب کے بعد بھی ” طالب “ کے درجہ سے آگے نہیں بڑھتا یعنی خدا کا انعام وفضل بےپایاں وبیحد ہے ‘ اس لئے ایک عاصی سے لیکر حضور علیہ الصلوۃ والسلام تک یہی دعا مانگتے چلے آئے ہیں کہ اے خدا ہمیں صراط مستقیم پرچلا ۔ راہ اکرام وافضال کے دروازے بند نہ ہوں ۔ حل لغات : اهْدِ ۔ مصدر ہدایت ، صیغہ امر لطف ومحبت سے رہنمائی کرنا۔ دھیرے دھیرے پیار سے منزل مقصود تک پہنچانا ۔ الصِّرَاطَ الْمُسْتَقِيمَ : سیدھی ، قریب ترین اور بےخوف وخطرراہ ۔