سورة النسآء - آیت 55

فَمِنْهُم مَّنْ آمَنَ بِهِ وَمِنْهُم مَّن صَدَّ عَنْهُ ۚ وَكَفَىٰ بِجَهَنَّمَ سَعِيرًا

ترجمہ تیسیر الرحمن لبیان القرآن - محمد لقمان سلفی

تو ان میں سے بعض لوگ (62) اس کتاب پر ایمان لے آئے، اور بعض نے اس کا انکار کردیا، اور جہنم کی بھڑکتی آگ (ان کے لئے) کافی ہے

تفسیرسراج البیان - محممد حنیف ندوی

(ف2) اس آیت میں بتایا ہے کہ جب حق وصداقت کا آفتاب سطح ارض پر چمکا ہے بعض لوگوں نے اسے چشم بصیرت سے دیکھا اور محسوس کیا ہے اور بعض اندھوں نے انکار کیا ہے ، اس لئے اسلام کے متعلق بھی یہ تقسیم ناگزیر تھی ، آپ (یعنی حضور ﷺ) ان کے انکار وتمرد پر متعجب نہ ہوں ۔ حل لغات: سَعِيرًا: بھڑکتا ہوا ۔