سورة الجاثية - آیت 15

مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا ۖ ثُمَّ إِلَىٰ رَبِّكُمْ تُرْجَعُونَ

ترجمہ تیسیر الرحمن لبیان القرآن - محمد لقمان سلفی

جو شخص عمل صالح (١٠) کرتا ہے، وہ اپنے لئے کرتا ہے، اور جو برا کرتا ہے تو اس کا وبال اسی پر پڑتا ہے، پھر تم اپنے رب کی طرف لوٹائے جاؤ گے

تفسیرسراج البیان - محممد حنیف ندوی

(ف 2) مخالفین میں کچھ ایسے ذلیل لوگ تھے جن میں یہ جرات تو نہ تھی کہ اسلام کے بڑھتے ہوئے سیلاب کو روک دیں ۔ مگر محض تسکین نفس کے لئے وہ مسلمانوں کو گالیاں دے کر دل کے پھپھولے پھوڑ لیتے ۔ اس آیت میں مسلمانوں کو ان کے بلند اخلاق کے نام پر کہا ہے کہ وہ ان حقیر اور مذبوحی حرکات کو بالکل ناقابل اعتناء سمجھیں اور قطعاً ان سے تعرض نہ کریں ۔