سورة سبأ - آیت 54

وَحِيلَ بَيْنَهُمْ وَبَيْنَ مَا يَشْتَهُونَ كَمَا فُعِلَ بِأَشْيَاعِهِم مِّن قَبْلُ ۚ إِنَّهُمْ كَانُوا فِي شَكٍّ مُّرِيبٍ

ترجمہ تیسیر الرحمن لبیان القرآن - محمد لقمان سلفی

اور ان کے درمیان اور ان کی خواہش ایمان کے درمیان رکاوٹ (٤٠) کھڑی کردی جائے گی، جیسا کہ اس سے قبل انہی جیسے لوگوں کے ساتھ کیا گیا تھا، بے شک وہ لوگ بہت ہی گہرے شک میں مبتلا تھے

تفسیرسراج البیان - محممد حنیف ندوی

(ف 2) یعنی حق وصداقت کا آفتاب اپنی پوری تابانی کیساتھ جلوہ گر ہوچکا ہے ۔ اس لئے اب باطل اس کے مقابلہ میں نہیں پنپ سکتا ۔ بلکہ یوں سمجھ لیجئے کہ باطل کا اصلاً وجود ہی نہیں ۔ اور اب وقت آگیا ہے کہ اس کی صحیح صحیح حیثیت متعین کردی جائے ۔ اور بتا دیا جائے کہ دنیا کا سچا مذہب صرف اسلام ہے ۔ اور اس کے سوا جو کچھ ہے ۔ فریب نظر ہے اور نفس کا دھوکہ ہے ۔ حل لغات : بِأَشْيَاعِهِمْ ۔ شیعۃ کی جمع ہے ۔ بمعنی ہم مشرب ۔ ہم خیال گروہ، اتباع وانصار ۔