سورة السجدة

قُلْ يَوْمَ الْفَتْحِ لَا يَنفَعُ الَّذِينَ كَفَرُوا إِيمَانُهُمْ وَلَا هُمْ يُنظَرُونَ

اے میرے نبی ! آپ کہہ دیجئے کہ فیصلہ کے دن کافروں کو ان کا ایمان نفع نہیں پہنچائے گا اور نہ انہیں مہلت دی جائے گی

(ف 1)مکے والے چونکہ قیامت کے منکر تھے اس لئے وہ ازراہ طنز حضور (ﷺ) سے پوچھتے تھے کہ قیامت کب آئیگی فیصلہ کا دن کس وقت آئے گا ؟ قرآن کہتا ہے کہ وہ جب بھی آئے گا ۔ آئے گا ۔ مگر تم یاد رکھو کہ اس وقت کا ایمان سود مندنہ ہوگا ۔ اور نہ اس وقت تمہیں پھر دوبارہ مہلت دی جائے گی کہ دنیا میں جاؤ اور اپنے اعمال سنوار لو ۔ وہ مکافات کا دن ہے اس وقت اعمال منقطع ہوجائیں گے ۔ حل لغات: الْفَتْحِ۔ فیصلہ