سورة الحج - آیت 16

وَكَذَٰلِكَ أَنزَلْنَاهُ آيَاتٍ بَيِّنَاتٍ وَأَنَّ اللَّهَ يَهْدِي مَن يُرِيدُ

ترجمہ تیسیر الرحمن لبیان القرآن - محمد لقمان سلفی

اور ہم نے قرآن کو اسی طرح واضح آیتوں کی شکل میں نازل (٩) کیا ہے اور اللہ جسے چاہتا ہے ہدایت دیتا ہے۔

تفسیرسراج البیان - محممد حنیف ندوی

(ف2) قرآن حکیم کی آیات کو اللہ تعالیٰ نے اکثر بینات کے لفظ سے تعبیر فرمایا ہے کیونکہ ان میں جن تعلیمات کا ذکر ہے ، وہ صحت وثبوت کے لحاظ سے بالکل واضح اور نمایاں ہیں ، اور بالکل حقیقت اور فطرت کے قریب ہیں ، جن میں قطعا الجھاؤ نہیں ، اور باوجود منطقی دلائل کے موافق ہونے کے اس درجہ آسان ہیں کہ ہر شخص بقدراستعداد استفادہ کرسکتا ہے۔ حل لغات: الصَّابِئِينَ: صابی کی جمع ہے یہ ایک ستارہ پرست جماعت اسلام سے قبل تھی اور رسم ورواج کے لحاظ سے مجوسیت سے زیادہ ملتے جلتے تھے ۔