سورة الإنسان - آیت 20

وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا

ترجمہ تیسیر الرحمن لبیان القرآن - محمد لقمان سلفی صاحب

اور آپ جدھر بھی دیکھئے گا نعمتیں ہی نعمتیں (١١) اور ایک بڑی بادشاہت دیکھئے گا

تفسیر ثنائی - ثنا اللہ امرتسری

یہ سب کچھ اہل جنت کے دل بہلانے کا سامان ہوگا اور جب تو اس جنت میں نظر کرے گا تو وہاں ایک بہت بڑی آبادی دیکھے گا کیونکہ دنیا کے تمام صلحا اس میں رہتے ہوں گے جن کا شمار گو اہل دوزخ کی نسبت کم ہوگا تاہم ہزاروں لاکھوں بلکہ کروڑوں سے متجاوز ہوں گے