سورة الطلاق

وَكَأَيِّن مِّن قَرْيَةٍ عَتَتْ عَنْ أَمْرِ رَبِّهَا وَرُسُلِهِ فَحَاسَبْنَاهَا حِسَابًا شَدِيدًا وَعَذَّبْنَاهَا عَذَابًا نُّكْرًا

اور بہت سی بستیوں والوں نے اپنے رب اور اس کے رسولوں کے حکم کی نافرمانی (٦) کی، تو ہم نے ان کا بڑا سخت محاسبہ کیا، اور انہیں بہت برے عذاب میں مبتلا کیا

پس یاد رکھو کہ الٰہی حکموں سے سرتابی کرنی کسی طرح جائز نہیں نہ غنا کی وجہ سے نہ فقر کے سبب سے سنو ! کئی بستیوں نے اپنے رب کے حکم سے اور اس کے رسولوں کے حکم سے سرکشی کی تھی نہ اللہ کی توحید کو مانا نہ رسولوں کی رسالت تسلیم کی نہ ان کے حکموں کی تعمیل کی پھر ہم (اللہ) نے بڑی سختی سے ان کے اعمال کا محاسبہ کیا یعنی ذرہ ذرہ پر مواخذہ کیا اور ان کے اعمال بد کی سزا دی ان کو سخت عذاب کیا