سورة التغابن

يَعْلَمُ مَا فِي السَّمَاوَاتِ وَالْأَرْضِ وَيَعْلَمُ مَا تُسِرُّونَ وَمَا تُعْلِنُونَ ۚ وَاللَّهُ عَلِيمٌ بِذَاتِ الصُّدُورِ

جو کچھ آسمانوں اور زمین میں ہے وہ ان تمام کو جانتا (٤) ہے، اور تم جو کچھ چھپاتے ہو اور جو ظاہر کرتے ہو، وہ ان سب کو جانتا ہے، اور اللہ سینوں میں چھپی باتوں کو بھی جانتا ہے

یہ تو اس کی قدرت کا ذکر ہے علم اس کا اتنا وسیع ہے کہ جو کچھ آسمانوں اور زمینوں پر یا ان کے اندر ہے وہ اللہ سب کو جانتا ہے کوئی چیز اس سے چھپی نہیں اور جو کچھ تم چھپ کر کرتے ہو اور جو ظاہر کرتے ہو وہ بھی جانتا ہے اور سنو ! کہ اللہ سینوں کے بھیدوں سے بھی واقف ہے ایسے عالم الغیب قادر قیوم اللہ سے بگاڑ کر تم کہاں پناہ لے سکتے ہو۔