سورة الحديد

هُوَ الَّذِي يُنَزِّلُ عَلَىٰ عَبْدِهِ آيَاتٍ بَيِّنَاتٍ لِّيُخْرِجَكُم مِّنَ الظُّلُمَاتِ إِلَى النُّورِ ۚ وَإِنَّ اللَّهَ بِكُمْ لَرَءُوفٌ رَّحِيمٌ

وہی اپنے بندے پر صریح اور واضح آیتیں (٩) نازل کرتا ہے تاکہ تمہیں تاریکی سے نکال کر روشنی تک پہنچا دے، اور بے شک اللہ تمہارے لئے بڑا ہی رافت و رحمت والا ہے

سنو ! جس اللہ نے یہ سب کام کئے ہیں اور جو دنیا کے سب کام کرتا ہے وہی اللہ وقتا فوقتا اپنے بندے محمد رسول اللہ (صلی اللہ علیہ وآلہ وسلم) پر کھلے کھلے احکام اور نشان نازل کرتا ہے تاکہ تم لوگوں کو گمراہی اور بےدینی کے اندھیروں سے نکال کر نور کی طرف لے جائے اور اگر سچ جانو تو اس کی وجہ یہ ہے کہ اللہ تعالیٰ تمہارے حال پر بڑا مہربان بڑا رحم کرنے والا ہے