سورة الحديد

سَبَّحَ لِلَّهِ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ

آسمانوں اور زمین میں جو کچھ ہیں، سب اللہ کی تسبیح (١) بیان کرتے ہیں، اور وہ زبردست حکمتوں والا ہے

آسمانوں اور زمینوں کی سب چیزیں اللہ تعالیٰ قادر قیوم کے نام کی تسبیح پڑھتی ہیں یعنی اللہ خالق کائنات کو پاکی سے یاد کرتی ہیں۔ کیا تم نے کسی عارف اللہ کا شعر نہیں سنا۔ مُرغان چمن بہر صباحے تسبیح کناں باصطلاحے اور وہ اللہ بڑا غالب اور بڑی حکمت والا ہے اس کے ہر کام میں حکمت ہے۔ اس کے ہر امر میں غلبہ ہے