سورة الفرقان

وَهُوَ الَّذِي مَرَجَ الْبَحْرَيْنِ هَٰذَا عَذْبٌ فُرَاتٌ وَهَٰذَا مِلْحٌ أُجَاجٌ وَجَعَلَ بَيْنَهُمَا بَرْزَخًا وَحِجْرًا مَّحْجُورًا

اور اسی نے دو دریاؤں کو ملا دیا (٢٣) ہے، یہ میٹھا پیاس بجھانے والا ہے اور یہ کھارا تلخ ہے، اور اس نے دونوں کے درمیان ایک پردہ اور ایک رکاوٹ کھڑی کردی ہے۔

سنو ! وہ اللہ مالک الملک وہ ہے جس نے دو دریائوں کو آپس میں ملادیا تہ زمین میں دونوں قسم کے پانی موجود ہیں ایک میٹھا مزیدار ہے اور ایک کڑوا کھاری ہے اور ان دونوں کے بیچ میں ایک پردہ اور مضبوط آڑ بنادی ہے مجال نہیں کوئی ان میں سے دوسرے پر غلبہ پا سکے اسی طرح جب تم بوقت ضرورت جہاد کرو گے تو کفار دب جائیں گے گو وہ اپنے کفر پر جمے رہیں مگر اہل اسلام کے ساتھ شرارت سے پیش نہ آئیں گے بلکہ شیر بکری کی طرح ایک گھاٹ پانی پئیں گے