سورة الإنفطار

يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ

اس دن کوئی شخص کسی دوسرے کے لئے کچھ بھی نہ کرسکے گا، اور اس دن تمام امور اللہ کے اختیار میں ہوں گے

﴿یَوْمَ لَا تَمْلِکُ نَفْسٌ لِّنَفْسٍ شَـیْــــًٔا ﴾ اس روز کوئی کسی کے کام نہیں آئے گا، خواہ وہ اس کا قریبی رشتہ دار یا مخلص دوست ہی کیوں نہ ہو۔ ہر ایک کو خود اپنی پڑی ہوگی ،وہ کسی اور کی نجات کا طلب گار نہ ہوگا۔ ﴿وَالْاَمْرُ یَوْمَیِٕذٍ لِّلّٰہِ﴾ اس روز تمام تر حکم اللہ ہی کا ہوگا۔ وہی بندوں کے درمیان فیصلہ کرے گا اور مظلوم کا حق ظالموں سے لے کر دے گا۔ واللہ اعلم