سورة الإنسان

إِنَّ هَٰذَا كَانَ لَكُمْ جَزَاءً وَكَانَ سَعْيُكُم مَّشْكُورًا

(ان سے کہا جائے گا) بے شک یہ (اللہ کی طرف سے) تمہارے لئے بدلہ، اور تمہاری کوشش قبول کرلی گئی ہے

﴿اِنَّ ہٰذَا ﴾ بلاشبہ یہ اجر جزیل اور عطائے جمیل﴿ کَانَ لَکُمْ جَزَاءً ﴾ان اعمال کی جزا ہے جو تم آگے بھیج چکے ہو ﴿ وَّکَانَ سَعْیُکُمْ مَّشْکُوْرًا ﴾” اور تمہاری کوشش کی قدر کی گئی ہے۔“ یعنی تمہاری تھوڑی سی کوشش کے بدلے اللہ تعالیٰ نے تمہیں اتنی نعمتیں عطا کی ہیں جن کا شمار ممکن نہیں۔