سورة القيامة

يَقُولُ الْإِنسَانُ يَوْمَئِذٍ أَيْنَ الْمَفَرُّ

اس دن انسان کہے گا، کہاں ہے بھاگنے کی جگہ

﴿یَقُوْلُ الْاِنْسَانُ یَوْمَیِٕذٍ﴾ ” اس دن انسان کہے گا:“ یعنی جب وہ بے قرار کردینے والے زلزلے دیکھے گا تو پکار اٹھے گا : ﴿اَیْنَ الْمَفَرُّ﴾ ”آج بھاگنے کی جگہ کہاں ہے؟ “ جو مصیبت ہم پر نازل ہوئی ہے ، اس سے گلو خلاصی اور نجات کہاں ہے؟ ﴿كَلَّا لَا وَزَرَ ﴾ ” ہر گز نہیں “ ( وہاں ) کوئی پناہ گاہ نہیں۔ یعنی اللہ تعالیٰ کے ٹھکانے کے سوا کسی کے لیے کوئی ٹھکانہ نہ ہوگا۔