سورة الجن - آیت 12

وَأَنَّا ظَنَنَّا أَن لَّن نُّعْجِزَ اللَّهَ فِي الْأَرْضِ وَلَن نُّعْجِزَهُ هَرَبًا

ترجمہ تیسیر الرحمن لبیان القرآن - محمد لقمان سلفی صاحب

اور یہ کہ اب ہمیں یقین ہوگیا تھا، ہم اللہ کو نہ تو زمین میں عاجز (٨) بنا سکتے ہیں، اور نہ کہیں بھاگ کر ہی اسے عاجز کرسکتے ہیں

تفسیر السعدی - عبدالرحمٰن بن ناصر السعدی

یعنی اس وقت ہم پر پوری طرح واضح ہوگیا ہے کہ اللہ تعالیٰ کامل قدرت کا مالک اور ہم کامل طور پر بے بس ہیں ،ہماری پیشانیاں اللہ تعالیٰ کے ہاتھ میں ہیں ، ہم زمین میں اللہ تعالیٰ کو عاجز نہیں کرسکتے۔ اگر ہم فرار ہوں تو فرار ہو کر اللہ تعالیٰ کو بے بس نہیں کرسکتے ، ہم نے فرار کے اسباب کے ذریعے سے اس کے دست قدرت سے باہر نکلنے کی کوشش کی تو معلوم ہوا کہ اس سے بھاگ کر اس کے سوا کہیں ٹھکانا اور پناہ گاہ نہیں۔