سورة الجن - آیت 11

وَأَنَّا مِنَّا الصَّالِحُونَ وَمِنَّا دُونَ ذَٰلِكَ ۖ كُنَّا طَرَائِقَ قِدَدًا

ترجمہ تیسیر الرحمن لبیان القرآن - محمد لقمان سلفی صاحب

اور یہ کہ ہم میں سے کچھ لوگ نیکو کار (٧) ہیں، اور کچھ ان سے مختلف ہیں، ہم مختلف ٹولیوں میں بٹے ہوئے تھے

تفسیر السعدی - عبدالرحمٰن بن ناصر السعدی

﴿وَّاَنَّا مِنَّا الصّٰلِحُوْنَ وَمِنَّا دُوْنَ ذٰلِکَ ﴾ ” اور یہ کہ کوئی ہم میں سے نیک ہیں اور کوئی طرح کے۔“ یعنی فساق، فجار اور کفار ﴿ کُنَّا طَرَایِٕقَ قِدَدًا﴾ ” ہمارے کئی طرح کے مذہب ہیں۔ “ یعنی مختلف ومتنوع گروہ اور متفرق خواہشات ہیں۔ ہر گروہ کے پاس جو کچھ ہے وہ اسی پر فرحاں وشاداں ہے۔