سورة المنافقون

ذَٰلِكَ بِأَنَّهُمْ آمَنُوا ثُمَّ كَفَرُوا فَطُبِعَ عَلَىٰ قُلُوبِهِمْ فَهُمْ لَا يَفْقَهُونَ

وہ لوگ ایسا اس لئے کرتے ہیں کہ وہ (بظاہر) ایمان (٢) لے آئے، پھر کفر پر ہی قائم رہے تو ان کے دلوں پر مہر لگا دی گئی، اس لئے وہ بالکل نہیں سمجھتے ہیں

﴿ذٰلِکَ﴾ وہ چیز جس نے ان کے سامنے نفاق کو مزین کردیا ﴿ بِاَنَّہُمْ﴾ اس کا سبب یہ ہے کہ وہ ایمان پر ثابت قدم نہیں ہیں بلکہ ﴿ اٰمَنُوْا ثُمَّ کَفَرُوْا فَطُبِعَ عَلٰی قُلُوْبِہِمْ﴾ ”وہ ایمان لائے ،پھر کافر ہوگئے تو ان کے دلوں پر مہر لگادی گئی۔“ کہ بھلائی ان کے دلوں میں کبھی بھی داخل نہیں ہوسکے گی۔ ﴿فَہُمْ لَا یَفْقَہُوْنَ﴾ پس وہ سمجھتے نہیں کہ کون سی چیز انہیں فائدہ دیتی ہے اور وہ یاد نہیں رکھتے کہ کیا چیز ان کے مصالح کے لیے فائدہ مند ہے؟