سورة الحديد

هُوَ الْأَوَّلُ وَالْآخِرُ وَالظَّاهِرُ وَالْبَاطِنُ ۖ وَهُوَ بِكُلِّ شَيْءٍ عَلِيمٌ

وہی اول ہے (٣) اور آخر ہے، اور ظاہر ہے، اور باطن ہے، اور وہ ہر چیز سے باخبر ہے

﴿ہُوَ الْاَوَّلُ ﴾جس سے پہلے کوئی چیز نہ تھی۔ ﴿وَالْاٰخِرُ ﴾’’جس کے بعد کوئی چیز نہ ہوگی‘‘﴿ وَالظَّاہِرُ ﴾جس کے اوپر کوئی چیز نہیں۔ ﴿وَالْبَاطِنُ ﴾جس سے پرے کوئی چیز نہیں۔﴿ وَہُوَ بِکُلِّ شَیْءٍ عَلِیْمٌ﴾ اس کے علم نے تمام ظواہر و بواطن، تمام بھیدوں، مخفی چیزوں اور تمام متقدم اور متاخر امور کا احاطہ کر رکھا ہے۔