سورة الواقعة - آیت 27

وَأَصْحَابُ الْيَمِينِ مَا أَصْحَابُ الْيَمِينِ

ترجمہ تیسیر الرحمن لبیان القرآن - محمد لقمان سلفی صاحب

اور دائیں والے لوگ (٩) کیا ہی خوش قسمت ہوں گے دائیں والے لوگ

تفسیر السعدی - عبدالرحمٰن بن ناصر السعدی

پھر اللہ تعالیٰ نے بیان فرمایا کہ اس نے اصحاب یمین کے لیے کیا کچھ تیار کررکھا ہے،چنانچہ فرمایا: ﴿وَاَصْحٰبُ الْیَمِیْنِ ڏ مَآ اَصْحٰبُ الْیَمِیْنِ﴾ ’’اور داہنے( ہاتھ )والے کیا (ہی اچھے) ہیں داہنے (ہاتھ )والے۔ ‘‘ یعنی وہ عظیم الشان لوگ اور بڑے احوال کے مالک ہیں۔