سورة القمر

فَنَادَوْا صَاحِبَهُمْ فَتَعَاطَىٰ فَعَقَرَ

پس انہوں نے اپنے (قدار نامی) ساتھی (١٦) کو بلایا، جس نے اونٹنی کو نقصان پہنچانے کی ذمہ داری لی، پھر اسے ہلاک کردیا

﴿فَنَادَوْا صَاحِبَهُمْ ﴾ ’’پھر انہوں نے اپنے ایک ساتھی کو بلایا۔‘‘ جواونٹنی کو ہلاک کرنے میں براہ راست ملوث تھا جو اپنے قبیلے کا سب سے بدبخت شخص تھا۔ ﴿فَتَعَاطٰی﴾ تو قوم ثمود نے اس کو اونٹنی ہلاک کرنے کا جو حکم دیا تھا اس نے اس کی اتباع کی۔﴿ فَعَقَرَ﴾چنانچہ اس نے اس کو قتل کرڈلا۔