سورة النجم

فَكَانَ قَابَ قَوْسَيْنِ أَوْ أَدْنَىٰ

پس وہ دو کمان کے فاصلے پر یا اس سے بھی زیادہ قریب ہوگیا

﴿فَکَانَ﴾ ہوگیا جبریل علیہ السلام کا آپ سے قرب ﴿قَابَ قَوْسَیْنِ ﴾ دو کمانوں کے فاصلے پر ﴿ اَوْ اَدْنٰی﴾اور یا دو کمانوں کے فاصلے سے بھی قریب تر۔ یہ اس امر کی دلیل ہے کہ حضرت جبریل علیہ السلام پیغام لے کر کامل طور پر رسول اللہ صلی اللہ علیہ وسلم سے بالمشافہ ملے۔ نیز اس پر بھی دلیل ہے کہ آپ کے اور جبریل علیہ السلام کے درمیان کوئی واسطہ نہ تھا۔