سورة الطور

أَمْ لَهُ الْبَنَاتُ وَلَكُمُ الْبَنُونَ

کیا اللہ کے لئے بیٹیاں (٢٠) اور تمہارے لئے بیٹے ہیں

﴿اَمْ لَہُ الْبَنٰتُ﴾ ’’کیا اس (اللہ) کے لیے بیٹیاں ہیں؟‘‘ جیسا کہ تم سمجھتے ہو ﴿وَلَکُمُ الْبَنُوْنَ﴾ ’’اور تمہارے لیے بیٹے۔‘‘ پس تم قابل احتراز امور کو جمع کررہے ہو، یعنی تمہارا اللہ تعالیٰ کی اولاد قرار دینا ناقص ترین صنف کو اس کی طرف منسوب کرنا، رب کائنات کی اس تنقیص کے بعد بھی کوئی غایت وانتہا ہے۔