سورة الصافات - آیت 142

فَالْتَقَمَهُ الْحُوتُ وَهُوَ مُلِيمٌ

ترجمہ تیسیر الرحمن لبیان القرآن - محمد لقمان سلفی صاحب

پس مچھلی ان کو نگل گئی، درانحالیکہ وہ اپنے کئے پر شرمسار تھے

تفسیر السعدی - عبدالرحمٰن بن ناصر السعدی

﴿فَالْتَقَمَهُ الْحُوتُ وَهُوَ مُلِيمٌ ﴾ ” پس مچھلی نے انہیں نگل لیا اور وہ“ ﴿ مُلِيمٌ﴾ ” ملامت کرنے والے تھے“ یعنی انہوں نے ایسے فعل کا ارتکاب کیا تھا جس پر ملامت کی جاتی ہے اور وہ ہے آپ کا اپنے رب سے ناراض ہونا۔