سورة الشعراء - آیت 83

رَبِّ هَبْ لِي حُكْمًا وَأَلْحِقْنِي بِالصَّالِحِينَ

ترجمہ تیسیر الرحمن لبیان القرآن - محمد لقمان سلفی صاحب

میرے رب ! مجھے علم و حکمت (٢٥) عطا کر، اور (قیامت کے دن) مجھے نیک لوگوں میں شامل کردے۔

تفسیر السعدی - عبدالرحمٰن بن ناصر السعدی

پھر ابراہیم علیہ السلام نے ان الفاظ میں اپنے رب سے دعا کی : ﴿رَبِّ هَبْ لِي حُكْمًا﴾ ” اے میرے رب ! مجھے علم و دانش عطا فرما۔“ یعنی اے میرے رب مجھے علم کثیر عطا کر جس کے ذریعے سے میں تیرے احکام اور حلال و حرام کی معرفت حاصل کروں، پھر اس علم کے مطابق مخلوق کے درمیان فیصلے کروں۔ ﴿وَأَلْحِقْنِي بِالصَّالِحِينَ ﴾ ”اور مجھے نیکوکاروں میں شامل فرما۔“ یعنی میرے بھائی انبیاء و مرسلین میں۔