سورة الشعراء - آیت 13

وَيَضِيقُ صَدْرِي وَلَا يَنطَلِقُ لِسَانِي فَأَرْسِلْ إِلَىٰ هَارُونَ

ترجمہ تیسیر الرحمن لبیان القرآن - محمد لقمان سلفی صاحب

اور میرا سینہ گھٹ جائے گا اور میری زبان نہیں چلے گی اس لیے تو ہارون کو بھی اپنا رسول بنا دے۔

تفسیر السعدی - عبدالرحمٰن بن ناصر السعدی

﴿ فَأَرْسِلْ إِلَىٰ هَارُونَ ﴾ ” پس تو ہارون کی طرف پیغام بھیج۔“ اللہ تعالیٰ نے موسیٰ علیہ السلام کی دعا قبول فرما لی اور آپ کے بھائی حضرت ہارون علیہ السلام کو اسی طرح نبوت سے سرفراز فرمایا جس طرح حضرت موسیٰ علیہ السلام کو سرفراز فرمایا تھا : ﴿ فَأَرْسِلْهُ مَعِيَ رِدْءًا ﴾ (القصص : 28؍34) ” اس کو میرے ساتھ معاون بنا کر بھیج۔“ یعنی میرے کام میں ہارون کو میرا معاون بنا دے تاکہ وہ لوگ میری تصدیق کریں۔