سورة الإسراء

وَيَقُولُونَ سُبْحَانَ رَبِّنَا إِن كَانَ وَعْدُ رَبِّنَا لَمَفْعُولًا

اور کہتے ہیں ہمارا رب ہر عیب سے پاک ہے، بیشک ہمارے رب کا وعدہ پورا ہو کر رہتا ہے۔

﴿وَيَقُولُونَ سُبْحَانَ رَبِّنَا﴾ ” اور کہتے ہیں پاک ہے ہمارا رب“ وہ ان تمام صفات سے پاک اور منزہ ہے جو اس کے جلال کے لائق نہیں اور جو مشرکین نے ان کی طرف منسوب کر رکھی ہیں ﴿إِن كَانَ وَعْدُ رَبِّنَا﴾ ” اور بے شک ہمارے رب کا وعدہ“ یعنی اس نے زندگی بعد موت اور اعمال کی جزا کا جو وعدہ کر رکھا ہے۔ ﴿لَمَفْعُولًا﴾ ” ہونے والا ہے“ اس میں کوئی وعدہ خلافی ہے نہ اس میں کوئی شک ہے۔