سورة النحل

فَلَا تَضْرِبُوا لِلَّهِ الْأَمْثَالَ ۚ إِنَّ اللَّهَ يَعْلَمُ وَأَنتُمْ لَا تَعْلَمُونَ

پس تم لوگ اللہ کے لیے مثالیں نہ بیان کرو، بیشک اللہ جانتا ہے اور تم لوگ (کچھ بھی) نہیں جانتے ہو۔

اسی لئے فرمایا : ﴿فَلَا تَضْرِبُوا لِلّٰـهِ الْأَمْثَالَ ﴾ ” اللہ کے لئے مثالیں بیان مت کرو“ جو اللہ تعالیٰ اور اس کی مخلوق کے درمیان مساوات کو متضمن ہیں۔ ﴿إِنَّ اللّٰـهَ يَعْلَمُ وَأَنتُمْ لَا تَعْلَمُونَ ﴾ ” بے شک اللہ جانتا ہے اور تم نہیں جانتے“ پس ہم پر واجب ہے کہ ہم اللہ تعالیٰ کے بارے میں بلا علم کوئی بات نہ کہیں اور ان مثالوں کوغور سے سنیں جن کو اللہ علیم و خبیر نے بیان کیا ہے۔ بنابریں اللہ تعالیٰ نے ان لوگوں کے لئے دو مثالیں بیان کی ہیں جو اللہ تعالیٰ کو چھوڑ کر دوسروں کی عبادت کرتے ہیں۔