سورة یوسف - آیت 95

قَالُوا تَاللَّهِ إِنَّكَ لَفِي ضَلَالِكَ الْقَدِيمِ

ترجمہ تیسیر الرحمن لبیان القرآن - محمد لقمان سلفی صاحب

ان کے گھر والوں نے کہا، اللہ کی قسم ! آپ تو اپنی پرانی خام خیالی (٨٢) میں اب تک مبتلا ہیں۔

تفسیر السعدی - عبدالرحمٰن بن ناصر السعدی

پس وہی کچھ ہوا جو حضرت یعقوب علیہ السلام سمجھتے تھے، چنانچہ وہ کہنے لگے : ﴿تَاللَّـهِ إِنَّكَ لَفِي ضَلَالِكَ الْقَدِيمِ﴾ ” اللہ کی قسم ! آپ تو اسی پرانی غلطی میں ہیں“ یعنی آپ تو ہمیشہ محبت کے سمندر میں سرگرداں رہیں گے، آپ نہیں جانتے کہ آپ کیا کہہ رہے ہیں۔