سورة التكوير

وَمَا صَاحِبُكُم بِمَجْنُونٍ

اور تمہارے ساتھی (محمد) باولے (٣) نہیں ہیں

* یہ خطاب اہل مکہ سے ہے اور صاحب مراد رسول اللہ (ﷺ) ہیں۔ یعنی تم جو گمان رکھتے ہو کہ تمہارا ہم نسب اور ہم وطن ساتھی، محمد (ﷺ) دیوانہ ہے ۔ نعوذ باللہ ۔ ایسا نہیں ہے، ذرا قرآن پڑھ کر تو دیکھوکہ کیا کوئی دیوانہ ایسے معارف وحقائق بیان کر سکتا ہے اور گزشتہ قوموں کے صحیح صحیح حالات بتلا سکتا ہے جو اس قرآن میں بیان کئے گئے ہیں۔