سورة العنكبوت - آیت 9

وَالَّذِينَ آمَنُوا وَعَمِلُوا الصَّالِحَاتِ لَنُدْخِلَنَّهُمْ فِي الصَّالِحِينَ

ترجمہ تیسیر الرحمن لبیان القرآن - محمد لقمان سلفی

اور جو لوگ ایمان (٦) لائیں گے اور عمل صالح کریں گے ہم روز قیامت انہیں نیک لوگوں کی جماعت میں داخل کردیں گے

تفسیر مکہ - حافظ صلاح الدین یوسف حافظ

* یعنی اگر کسی کے والدین مشرک ہوں گے تو مومن بیٹا نیکوں کے ساتھ ہوگا، والدین کے ساتھ نہیں۔ اس لیے کہ گو والدین دنیا میں اس کے بہت قریب رہے ہوں گے لیکن اس کی محبت دینی اہل ایمان ہی کے ساتھ تھی بنا بریں [ الْمَرْءُ مَعَ مَنْ أَحَبَّ ] کے تحت وہ زمرۂ صالحین میں ہوگا۔