سورة الشعراء

قَالَ لَئِنِ اتَّخَذْتَ إِلَٰهًا غَيْرِي لَأَجْعَلَنَّكَ مِنَ الْمَسْجُونِينَ

فرعون نے کہا، اگر تم نے میرے سوا کوئی اور معبود (١١) بنایا تو تمہیں جیل میں ڈال دوں گا۔

* فرعون نے جب دیکھا کہ موسیٰ (عليہ السلام) مختلف انداز سے رب العالمین کی ربوبیت کاملہ کی وضاحت کر رہے ہیں، جس کا کوئی معقول جواب اس سےنہیں بن پارہا ہے۔ تو اس نے دلائل سے صرف نظر کرکے دھمکی دینی شروع کردی اور موسیٰ (عليہ السلام) کو حوالۂ زنداں کرنے سے ڈرایا۔