سورة التوبہ

فَإِن تَوَلَّوْا فَقُلْ حَسْبِيَ اللَّهُ لَا إِلَٰهَ إِلَّا هُوَ ۖ عَلَيْهِ تَوَكَّلْتُ ۖ وَهُوَ رَبُّ الْعَرْشِ الْعَظِيمِ

اگر اس کے بعد بھی منہ پھیر لیتے ہیں تو آپ کہیے کہ میرے لیے اللہ کافی ہے، اس کے علاوہ کوئی معبود نہیں ہے، میں نے اسی پر توکل کیا ہے اور وہ عرش عظیم کا مالک ہے۔

1- یعنی آپ کی لائی ہوئی شریعت اور دین رحمت سے۔ 2- جو کفر و اعراض کرنے والوں کے مکرو کید سے مجھے بچا لے گا۔ 3- حضرت ابو الدردا (رضی الله عنہ) فرماتے ہیں کہ جو شخص یہ آیت ﴿حَسْبِیَ اللّٰہُ﴾ (الآیۃَ) صبح اور شام سات سات مرتبہ پڑھ لے گا، اللہ تعالٰی اس کے ہموم (فکر ومشکلات) کو کافی ہو جائے گا۔ (سنن ابی داود۔ نمبر 5081)