سورة الحج - آیت 77

يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ ۩

اے ایمان والو ! تم اپنے رب کے لئے رکوع (٣٩) کرو، اور سجدہ کرو اور اسی کی عبادت کرو اور کار خیر کرتے رہو تاکہ تم کامیاب ہوجاؤ۔

سورہ حج کو دو سجدوں کی فضلیت حاصل ہے اس دوسرے سجدے کے بارے میں دو قول ہیں ۔ پہلے سجدے کی آیت کے موقعہ پر ہم نے وہ حدیث بیان کر دی ہے جس میں ہے کہ { رسول صلی اللہ علیہ وسلم نے فرمایا «فُضِّلَتْ سُورَۃ الْحَجّ بِسَجْدَتَیْنِ فَمَنْ لَمْ یَسْجُدہُمَا فَلَا یَقْرَأہُمَا» سورۃ الحج کو دو سجدوں سے فضیلت دی گئی جو یہ سجدے نہ کرے وہ یہ پڑھے ہی نہیں } ۔ ۱؎ (سنن ترمذی:578،قال الشیخ الألبانی:ضعیف) پس رکوع سجدہ عبادت اور بھلائی کا حکم کرکے فرماتا ہے ۔