سورة الحجر

وَإِن كَانَ أَصْحَابُ الْأَيْكَةِ لَظَالِمِينَ

اور اصحاب ایکہ (٣١) (یعنی قوم شعیب کے لوگ) بھی حد سے تجاوز کر گئے تھے۔

اصحاب ایکہ کا المناک انجام اصحاب ایکہ سے مراد قوم شعیب ہے ۔ ایکہ کہتے ہیں درختوں کے جھنڈ کو ۔ ان کا ظلم علاوہ شرک و کفر کے غارت گری اور ناپ تول کی کمی بھی تھی ۔ ان کی بستی لوطیوں کے قریب تھی اور ان کا زمانہ بھی ان سے بہت قریب تھا ۔ ان پر بھی ان کی پہیم شراتوں کی وجہ سے عذاب الٰہی آیا ۔ یہ دونوں بستیاں بر سر شارع عام تھیں ۔ شعیب علیہ السلام نے اپنی قوم کو ڈراتے ہوئے فرمایا تھا کہ «وَمَا قَوْمُ لُوطٍ مِّنکُم بِبَعِیدٍ» ۱؎ (11-ہود:89) ’ لوط کی قوم تم سے کچھ دور نہیں ‘ ۔