سورة المآئدہ - آیت 114

قَالَ عِيسَى ابْنُ مَرْيَمَ اللَّهُمَّ رَبَّنَا أَنزِلْ عَلَيْنَا مَائِدَةً مِّنَ السَّمَاءِ تَكُونُ لَنَا عِيدًا لِّأَوَّلِنَا وَآخِرِنَا وَآيَةً مِّنكَ ۖ وَارْزُقْنَا وَأَنتَ خَيْرُ الرَّازِقِينَ

ترجمہ تیسیر الرحمن لبیان القرآن - محمد لقمان سلفی

عیسیٰ بن مریم نے کہا، اے اللہ ! اے ہمارے رب ! تو ہمارے لئے آسمان سے ایک دستر خوان اتار دے جو ہمارے اوائل و اواخر سب کے لئے عید کا موقع بن جائے، اور تیری جانب سے (میری صداقت کی) ایک نشانی بھی بن جائے اور تو ہمیں روزی عطا فرما، اور توبہت ہی بہتر روزی دینے والا ہے

تفسیر اشرف الہواشی - محمد عبدہ لفلاح

ف 1 یعنی تیری توحید اور تیرے نبی کی صحت رسالت پردلیل قائم ہو۔ (کبیر) امام رازی (رح) لکھتے ہیں : وہ خوان یکشنبہ کو اترا۔ وہ نصاریٰ کی عید ہے جیسے ہمارے لیے یوم جمعہ (کذافی المو ضح) ف2یعنی تیرے سوا کوئی روزی دینے والا نہیں۔