سورة الضحى - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ تیسیر الرحمن لبیان القرآن - محمد لقمان سلفی

میں شروع کرتاہوں اللہ کے نام سے جو نہایت مہربان، بے حد رحم کرنے والا ہے

تفسیر اشرف الہواشی - محمد عبدہ لفلاح

ف 14 یہ سورۃ بالاتفاق مکی ہے صحیحین میں جندب بجلی(رض) سے روایت ہے کہ آنحضرت(ﷺ)بیمار ہوئے اس لئے آپ دو تین دن قیام نہ کرسکے۔ ایک عورت آپ کے پاس آئی اور کہنے لگی ” اے محمد (ﷺ) میرا خیال ہے کہ تمہارے شیطان نے تمہیں چھوڑ دیا ہے۔ اس پر یہ سورۃ نازل ہوئی۔ ایک روایت میں ہے کہ حضرت جبریل کچھ عرصہ کے لئے وحی نہ لائے تو مشرکین نے عیب لگایا کہ محمد (ﷺ) کو اس کے رب نے چھوڑ دیا اس پر یہ سورۃ نازل ہوئی۔ (ابن کثیر)