سورة المعارج - آیت 38

أَيَطْمَعُ كُلُّ امْرِئٍ مِّنْهُمْ أَن يُدْخَلَ جَنَّةَ نَعِيمٍ

ترجمہ تیسیر الرحمن لبیان القرآن - محمد لقمان سلفی

کیا ان میں کا ہر آدمی اس بات کا لالچ (10) کر رہا ہے کہ وہ نعمتوں والی جنت میں داخل ہوگا

تفسیر اشرف الہواشی - محمد عبدہ لفلاح

ف 7 یعنی ان کے جُھنڈ کے جھنڈ آپ کی مجلس میں آ کر بیٹھتے اور آپ کی زبان مبارک سے قرآن کی آیتیں سنتے ہیں لیکن آپ کی کسی نصیحت پر عمل نہیں کرتے بلکہ آپ کا مذاق اڑاتے ہیں۔ کیا اس پر بھی ان میں سے ہر شخص یہ امید رکھتا ہے کہ وہ جنت میں داخل کیا جائے گا؟۔ مفسرین کہتے ہیں کہ مشرکین مکہ کہا کرتے تھے کہ اگر مسلمان جنت میں جائیں گے تو ہم ان سے پہلے جنت میں پہنچیں گے۔ ان کے اسی زعم باطل کی اس آیت میں تردید فرمائی گئی ہے۔ (فتح القدیر)