سورة الملك - آیت 12

إِنَّ الَّذِينَ يَخْشَوْنَ رَبَّهُم بِالْغَيْبِ لَهُم مَّغْفِرَةٌ وَأَجْرٌ كَبِيرٌ

ترجمہ تیسیر الرحمن لبیان القرآن - محمد لقمان سلفی

بے شک جو لوگ اپنے رب سے غائبانہ ڈرتے (٧) ہیں، ان کے لئے مغفرت اور بڑا اجر وثواب ہے

تفسیر اشرف الہواشی - محمد عبدہ لفلاح

ف 2 ” بن دیکھے“ سے مراد یہ ہے کہ انہوں نے نہ اللہ تعالیٰ کو دیکھا ہے اور نہ اس کے عذاب کو۔ محض انبیاء (علیھم السلام) کی تصدیق کرتے ہوئے وہ اس پر ایمان رکھتے ہیں اور اس کے عذاب سے ڈرتے ہیں۔ بِالْغَيْبِکا دوسرا ترجمہ ” تنہائی میں بھی ہوسکتا ہے جیسا کہ صحیحین کی حدیث (‌سَبْعَةٌ ‌يُظِلُّهُمُ اللهُ فِي ظِلِّهِ) میں ساتواں وہ شخص شمار کیا ہے جس نے تنہائی میں اللہ تعالیٰ کو یاد کیا اور اس کی آنکھوں سے آنسو بہہ نکلے۔“ (ابن کثیر)