سورة الرحمن - آیت 6

وَالنَّجْمُ وَالشَّجَرُ يَسْجُدَانِ

ترجمہ تیسیر الرحمن لبیان القرآن - محمد لقمان سلفی صاحب

اور بیل بوٹے اور درخت (٤) اپنے رب کو سجدہ کرتے ہیں

تفسیر اشرف الحواشی - محمد عبدہ الفلاح

ف 6 ” نجم“ کے مشہور اور متبادر معنی ستارے کے ہیں لیکن یہ ایسے پودے اور بیل بوٹوں کے لئے بھی بولا جاتا ہے جن کا تنا نہیں ہوتا۔ اس لئے متن میں اس کاترجمہ ” بیل“ بھی کیا گیا ہے اور یہ معنی ” الشجر“ کے قرین ہونے کے اعتبار سے انسب ہیں۔ ف 7 یعنی اسی کے حکم کے تابع اور اسی کے قانون کے پابند ہیں۔ اس نے ان کے لئے جو ضابطہ اور نظم مقرر فرما دیا ہے اس سے سرموانحراف نہیں کرتے۔