سورة الطور - آیت 47

وَإِنَّ لِلَّذِينَ ظَلَمُوا عَذَابًا دُونَ ذَٰلِكَ وَلَٰكِنَّ أَكْثَرَهُمْ لَا يَعْلَمُونَ

ترجمہ تیسیر الرحمن لبیان القرآن - محمد لقمان سلفی

اور بے شک ظالموں کے لئے اس (عذاب آخرت) سے پہلے ایک عذاب (٢٦) ہے، لیکن ان میں سے اکثر لوگ جانتے نہیں ہیں

تفسیر اشرف الہواشی - محمد عبدہ لفلاح

ف 6 اس سے مراد وہ عذاب بھی ہے جو بدر کے دن قید و بند اور قتل کی صورت میں کفار مکہ پر نازل ہوا اور وہ قحط سالی کا عذاب بھی جس میں سات برس مبتلا رہے اور عذاب قبر بھی۔ حضرت ابن عباس (رض) نے خاص طور پر عذاب قبر مراد لیا ہے۔ (شوکانی)