سورة الذاريات - آیت 47

وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ

ترجمہ تیسیر الرحمن لبیان القرآن - محمد لقمان سلفی

اور ہم نے آسمان کو اپنے ہاتھوں سے بنایا (١٩) ہے، اور ہم یقیناً بڑی طاقت والے ہیں

تفسیر اشرف الہواشی - محمد عبدہ لفلاح

ف 1 یعنی اگر چاہیں تو ایسے بے شمار اور آسمان بھی بنا سکتے ہیں۔ یہ مفہوم اس صورت میں ہے جب ’’ مُوسِعْ‘‘ کا ترجمہ ’’وسع ‘‘یعنی طاقت والا کئے جائیں اور اگر اس کا ترجمہ’’ وسیع کرنے والا‘‘ کیا جائے تو مطلب یہ ہوگا کہ ہم آسمان سے بارش برسا کر روزی کشادہ کرنے والے ہیں۔ (کذافی القرطبی )