سورة محمد - آیت 28

ذَٰلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَرِهُوا رِضْوَانَهُ فَأَحْبَطَ أَعْمَالَهُمْ

ترجمہ تیسیر الرحمن لبیان القرآن - محمد لقمان سلفی

ایسا اس لئے ہوگا کہ انہوں نے اس راہ کی پیروی کی جس نے اللہ کو ناراض کردیا، اور اس کی خوشنودی کو پسند نہیں کیا، تو اللہ نے ان کے نیک اعمال ضائع کر دئیے

تفسیر اشرف الہواشی - محمد عبدہ لفلاح

ف 3 یعنی کفر و شرک اور نفاق کی راہ پر ۔ ف 4 یعنی ہر اس کام کو برا سمجھا جس میں اللہ تعالیٰ کی رضا مندی تھی جیسے ایمان توحید اخلاص، تقویٰ اور جہاد وغیرہ۔ ف 5 کیونکہ ان کی بنیاد اخلاص و ایمان پر نہ تھی۔ یاد رہے کہ ایمان کے بغیر کوئی عمل قبول نہیں ہو سکتا۔