سورة النمل - آیت 15

وَلَقَدْ آتَيْنَا دَاوُودَ وَسُلَيْمَانَ عِلْمًا ۖ وَقَالَا الْحَمْدُ لِلَّهِ الَّذِي فَضَّلَنَا عَلَىٰ كَثِيرٍ مِّنْ عِبَادِهِ الْمُؤْمِنِينَ

ترجمہ تیسیر الرحمن لبیان القرآن - محمد لقمان سلفی

اور ہم نے داؤد و سلیمان کو علم (٨) دیا اور دونوں نے کہا کہ تمام تعریفیں اس اللہ کے لئے ہیں، جس نے ہمیں اپنے بہت سے مومن بندوں پر فضیلت دی ہے۔

تفسیر اشرف الہواشی - محمد عبدہ لفلاح

ف7۔ یعنی دین و شریعت کا علم۔ (قرطبی) ف 8۔ یعنی ہمیں علم و نبوت عطا فرما کر اور پرندوں، جنوں اور انسانوں کو ہمارے تابع فرمان بنا کر اپنے بہت سے مومن بندوں پر فضیلت دی۔ ” بہت سے“ کا لفظ اس لئے استعمال فرمایا کہ ا نہیں بہت سوں پر ہی فضیلت دی گئی تھی ” سب پر“ نہیں کیوں کہ سب پر فضیلت تو صرف آنحضرت خاتم الانبیاءﷺ کو ہی حاصل ہوئی ہے۔ (شوکانی)