سورة آل عمران - آیت 8
رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ الْوَهَّابُ
ترجمہ تیسیر الرحمن لبیان القرآن - محمد لقمان سلفی
اے ہمارے رب (7) ہمارے دلوں کو ہدایت دینے کے بعد کج روی میں نہ مبتلا کردے، اور ہمیں اپنے پاس سے رحمت عطا فرما، بے شک تو بڑا عطا کرنے والا ہے
تفسیر اشرف الہواشی - محمد عبدہ لفلاح
ف 3 یہ وہ دعا ہے جو علم میں راسخ حضرات اللہ کے حضور کرتے رہتے ہیں۔ حضرت ام سلمہ (رض) سے روایت ہے کہ نبی (ﷺ) یہ دعا فرمایا کرتے تھے۔( يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ)(اے اللہ میرے دل کو اپنے دین پر ثابت رکھ )، پھر آپ (ﷺ) نے یہ آیت تلاوت فرمائی۔ (ابن جریر )