سورة الفرقان - آیت 36

فَقُلْنَا اذْهَبَا إِلَى الْقَوْمِ الَّذِينَ كَذَّبُوا بِآيَاتِنَا فَدَمَّرْنَاهُمْ تَدْمِيرًا

ترجمہ تیسیر الرحمن لبیان القرآن - محمد لقمان سلفی

پس ہم نے کہا کہ آپ دونوں اس قوم کے پاس جایئے، جنہوں نے ہماری آیتوں کو جھٹلا دیا پھر ہم نے انہیں یکسر ہلاک کردیا۔

تفسیر اشرف الہواشی - محمد عبدہ لفلاح

ف7۔ یعنی فرعون اور اس کی قوم کے لوگوں کے پاس۔ یہاں آیات سے وہ نشانیاں بھی مراد ہو سکتی ہیں جو حضرت موسیٰ کو بطور معجزہ دی گئیں اور ارسال کے وقت ان کو مکذب کہنا مآل کے اعتبار سے ہے اور اگر ان سے مراد ” آیات الٰہیہ“ یعنی دلائل توحید ہوں جو کائنات میں پائے جاتے ہیں تو کوئی اشکال لازم نہیں آتا۔ (شوکانی)