سورة المؤمنون - آیت 89

سَيَقُولُونَ لِلَّهِ ۚ قُلْ فَأَنَّىٰ تُسْحَرُونَ

ترجمہ تیسیر الرحمن لبیان القرآن - محمد لقمان سلفی

وہ یہی جواب دیں گے کہ ہر چیز کا بادشاہ صرف اللہ ہے، آپ کہئے تو پھر تم جادو کئے ہوئے کی طرح کہاں بھٹکتے پھر رہے ہو۔

تفسیر اشرف الہواشی - محمد عبدہ لفلاح

ف4۔ یعنی تمہیں کہاں سے دھوکا لگتا ہے کہ ایسی قدرت اور ایسے اختیار والی ہستی کو چھوڑ کر بے حقیقت ہستیوں کو اپنا معبود بناتے پھرتے ہو؟ یہ تمام تر خطاب ان لوگوں سے ہے جو صانع کے وجود کے قائل تھے جیسا کہ ان کے جواب ” سَيَقُولُونَ لِلَّهِۚ “ سے معلوم ہوتا ہے۔ تُسۡحَرُونَ “ کا لفظی ترجمۃ تم مسحور کئے جاتے ہو۔“ (قرطبی)